Նոր թրենդ համացանցում․սելֆիներ եւ տեսանյութեր AI ընկերուհիների հետ

Օգտատերերը սկսել են սելֆիներ եւ տեսանյութեր հրապարակել «AI աղջիկների» հետ սոցիալական ցանցերում, իսկ TikTok-ը դրա համար ավելացրել է հատուկ ֆիլտր։

Որոշ օգտատերերի համար արհեստական բանականությամբ կերպարների հետ «հարաբերությունները» ինքնավստահություն ձեռք բերելու եւ իրական կանանց հետ շփվելու միջոց են։

Սոցիալական ցանցերում մեծ տարածում է գտել արհեստական բանականությամբ կերպարների հետ «հարաբերությունները»։ Օգտատերերն սկսել են ChatGPT-ին խնդրել իրենց սելֆիներին ավելացնել աղջկա եւ ցույց տալ, թե ինչպիսի զույգ է ընտրել բոտն իրենց համար։

TikTok-ը նաեւ «կենդանացնում» է նման նկարները, որպեսզի վիրտուալ աղջիկները գրկեն կամ համբուրեն լուսանկարների հերոսներին։

@jehielynalex

Why is she so fast?!

♬ original sound - JehielyNAlex

Հուլիսին սոցիալական ցանցը CapCut-ի հետ համատեղ ավելացրել է AI Girlfriend ֆիլտրը։ Այն կօգնի տեսանյութում աղջիկ ստեղծել կամ ցանկալի կերպարով պատկերը անիմացնել՝ առանց հավելվածից դուրս գալու։

Աղջիկներն էլ վիրտուալ տղաների հետ տեսանյութերի համար են օգտագործում նեյրոնային ցանցեր։ 

@tainaa_mendes #Multiaverso #aifilter ♬ som original - MODELOS CAPCUT

Արհեստական բանականությամբ ֆիլտրով տեսանյութերը սկսել են «վիրուսային դառնալ» օգոստոսին։ Որոշ բլոգերներ ստացված տեսանյութերը ուղարկել են իրենց ծնողներին՝ որպեսզի նրանք հավատան, որ իրենքհարաբերություններ ունեն։

Ոմանց համար սա միջոց է պատկերացնելու այն «AI աղջկան», որի հետ նրանք շփվում են չատբոտում. երբեմն սա «ժամանակավոր միջոց» է՝ ավելի վստահ դառնալու եւ իրական հարաբերությունների մասին որոշում կայացնելու համար։

Օրինակ՝ 2025 թվականի հուլիսին Grok-ը ներկայացրել է AI կերպար Էննիին, որի հետ կարելի է շփվել ձայնային հաղորդագրությունների եւ տեսազանգերի միջոցով։ 

2025 թվականի օգոստոսի 26-ին Girlfriend.ai ծառայությունը հարցում է անցկացրել 18-ից 30 տարեկան օգտատերերի շրջանում։ Հարցվածների 50%-ը նշել է, որ կնախընտրեր հանդիպել «AI աղջկա» հետ, քան «իրական աղջկա կողմից մերժվելու ռիսկի դիմել»։

2025 թվականի ապրիլին Joi AI-ի կողմից անցկացված ուսումնասիրության համաձայն՝ հարցված 2000 ամերիկացի պատանիների 80%-ը պատրաստ է ամուսնանալ AI կերպարի հետ։ Նրանց 75%-ը կարծում է, որ բոտերը կարող են ամբողջությամբ փոխարինել մարդկային հաղորդակցությանը։