Anthropic-ը ներգրավել է $13 միլիարդ` գնահատվելով $183 միլիարդ

Claude չատբոտի մշակող Anthropic ընկերությունը հայտարարել է, որ փակել է ներդրումային F սերիան։ 

Առաջատար ներդրողներն են ICONIQ-ը, Fidelity Management & Research Company-ն եւ Lightspeed Venture Partners-ը։ Այլ ներդրողների թվում են Altimeter-ը, Baillie Gifford-ը, Blackstone-ը, General Atlantic-ը, General Catalyst-ը եւ ուրիշները։

Ընկերության գնահատումը, հաշվի առնելով ստացված ներդրումները, կազմում է 183 միլիարդ դոլար։ Համեմատության համար. 2025 թվականի մարտին ներդրողները այն գնահատել են 61.5 միլիարդ դոլար։ 2024 թվականին այն գնահատվել է 18 միլիարդ դոլար։

Anthropic-ի տվյալներով՝ այն ունի ավելի քան 300 հազար կորպորատիվ հաճախորդ։ Ստարտափը նախատեսում է ներգրաված միջոցներն օգտագործել «աճող ձեռնարկությունների պահանջարկը բավարարելու», անվտանգության հետազոտություններ անցկացնելու եւ գլոբալ ընդլայնման համար։

Anthropic-ը ստեղծվել է 2021 թվականին OpenAI-ի նախկին աշխատակիցների խմբի կողմից։