Gemini-ում անվճար հասանելի է դարձել պրեզենտացիաների գեներատորը

Google-ը Gemini չատբոտում անվճար հասանելիություն է բացել պրեզենտացիաների գեներատորին։

Gemini վեբ տարբերակի եւ հավելվածի Canvas բաժնում ավելացվել է պրեզենտացիաների ստեղծման գործառույթ։ Հնարավոր է սահմանել թեման, նկարագրել ոճը եւ չատբոտին ուղարկել աղբյուրներ ու տվյալներ պարունակող փաստաթղթերի հղումներ։

Gemini-ն որոնում է տեղեկատվություն, գրում տեքստ, ընտրում պատկերներ համացանցից եւ ստեղծում ինֆոգրաֆիկա։ Եթե դուք չեք նշում տառատեսակը, գույները եւ այլ մանրամասներ, այն կստեղծի շնորհանդես սպիտակ ֆոնի վրա՝ առանց ձեւաչափման։ Արդյունքը կարող է արտահանվել Google Slides-ում կամ պահպանվել որպես PDF։