Apple-ը կարող է iPhone 18 Pro-ն թողարկել երեք վառ գույնով՝ առանց սեւի

Instant Digital-ի տվյալներով՝ Apple-ը կարող է iPhone 18 Pro-ն թողարկել երեք նոր գույնով՝ սրճագույն, բորդո եւ մանուշակագույն։ 

Ընկերությունը երբեք չի արտադրել սմարթֆոններ առաջին երկու գույնով։ Ըստ լուրերի՝ դասական մուգ գույները, ինչպիսին է սեւը, կրկին բացակայում են, ինչպես iPhone 17 Pro-ի դեպքում։ Եթե այս միտումը շարունակվի, պայծառ եւ տաք երանգների վրա կենտրոնացումը կդառնա հաջորդ ֆլագմանի առանձնահատկությունը։

Առայժմ սրանք ընդամենը ասեկոսեներ են. վերջնական գունապնակը կարող է փոխվել պրեզենտացիայից առաջ, որը սպասվում է 2026 թվականի աշնանը։