ՀՀ բարձր տեխնոլոգիական արդյունաբերության նախարարությունը տեղեկատվական հանդիպում է անցկացրել տեխնոլոգիական ոլորտում գործունեություն ծավալող եւ ոլորտով հետաքրքրված մասնագետների եւ հայրենադարձների հետ:
Նախարարության ծրագրերի վարչության պետ Հայկ Ենգիբարյանը ներկայացրել է նախարարության տեխնոլոգիական ոլորտի զարգացմանը միտված ծրագրերն ու օրենսդրական փոփոխությունները, որոնցով պետական աջակցության նոր գործիքակազմ եւ հարկային արտոնություններ են առաջարկվում ՏՏ ընկերություններին:
Միջոցառման ընթացքում բարձր տեխնոլոգիաների վարչության գլխավոր մասնագետ Մոնիկա Մաթեւոսյանը ներկայացրել է նախարարության սփյուռքի տեխնոլոգիական ստարտափների «Ներուժ 6.0» եւ «Գաղափարից մինչեւ բիզնես» ծրագրերը, դրանց մասնակցության պայմանները եւ նախատեսված միջոցառումները:
Հանդիպմանը ներկա են գտնվել եւ իրենց հաջողության պատմություններով կիսվել նախորդ տարիների ծրագրերի շահառուները:
Այնուհետեւ բարձր տեխնոլոգիաների վարչության փորձագետ Լուսինե Թովմասյանը ներկայացրել է բարձր տեխնոլոգիաների ոլորտի պետական աջակցության ծրագրերը, որոնք տեխնոլոգիական ընկերություններին հնարավորություն են տալիս ստանալու պետական աջակցություն նոր աշխատակիցներ, աշխատանքային միգրանտներ ներգրավելու եւ աշխատողների վերապատրաստումների համար:
Ներկաներին ներկայացվել է նաեւ ոլորտի հարկային արտոնությունները, որոնք կարող են տրամադրվել գիտական հետազոտություններ եւ փորձարարական մշակումներ իրականացնող կազմակերպություններին:
Հանդիպման մասնակիցները հնարավորություն են ունեցել ներկայացված ծրագրերի եւ միջոցառումների վերաբերյալ ստանալ իրենց հետաքրքրող հարցերի պատասխանները:
11:27 | 21.05.25 |
Նորություններ
Team Telecom Armenia-ն Տավուշում ամբողջովին վերազինել է բջջային ցանցը
11:24 | 21.05.25 |
Նորություններ
Հայաստանը բարելավել է դիրքերը Գլոբալ ստարտափ էկոհամակարգի ինդեքսում
