Հայտնի են Apple Design Awards 2025-ի հաղթող հավելվածներն ու խաղերը

Apple Design Awards-ի ամենամյա մրցանակաբաշխության ընթացքում Apple-ը մրցանակներ է հանձնել լավագույն հավելվածներին եւ խաղերին։ 

Դրանք աչքի են ընկնում իրենց նորարարական դիզայնով, տեխնիկական նվաճումներով եւ օրիգինալ գաղափարներով: Վեց անվանակարգից յուրաքանչյուրում ճանաչվել է մեկ հավելված եւ մեկ խաղ:

Զվարճանք եւ հաճույք

CapWords (iPhone, iPad)

CapWords-ն առաջարկում է լեզու սովորելու օրիգինալ միջոց. պարզապես լուսանկարեք առարկան եւ հավելվածն այն կվերածի ինտերակտիվ քարտի: Յուրաքանչյուր անցում ուղեկցվում է ձայներով, ինչը ուսուցումն ավելի հիշարժան է դարձնում: Հարմար է եւ՛ երեխաների, եւ՛ մեծահասակների համար:

Balatro (iPhone, iPad, Mac, Apple TV, Apple Vision Pro)

Պոկերի եւ քարտային այլ խաղերի անսովոր խառնուրդ, որը մշակվել է մեկ անձի կողմից: Խաղացողները հավաքում են խաղաքարտերի տուփեր, ամրացնում դրանք ջոկերներով եւ բախվում են անկանխատեսելի պայմանների, ինչը ստեղծում է խորը մտածված եւ հետաքրքիր խաղ: Ներառում

Ներառականություն

Speechify (iPhone, iPad)

Հավելվածը ցանկացած տեքստ վերածում է աուդիոյի ավելի քան 50 լեզվով: Աջակցում է Dynamic Type-ին, VoiceOver-ին եւ այլ հասանելիության գործառույթներին. սա թույլ է տալիս տեսողական խնդիրներ ունեցող մարդկանց եւ ուրիշներին կարդալ:

Art of Fauna (iPhone, iPad)

18-րդ եւ 19-րդ դարերի գիտական նկարազարդումներից ոգեշնչված հանելուկային խաղ: Առաջարկում է քարտերի հետ փոխազդելու բազմաթիվ եղանակներ, VoiceOver-ի լիարժեք աջակցություն եւ հնարավոր անհանգստացնող պատկերները անջատելու հնարավորություն: Հավելվածից ստացված շահույթը գնում է բնության պահպանությանը:

Նորարարություն

Play (iPhone, Mac)

Գործիք՝ SwiftUI-ում ինտերակտիվ նախատիպեր ստեղծելու համար: Նախատիպերը կարող են արտահանվել Xcode՝ հետագա կատարելագործման համար: Աջակցում է App Clips-ին եւ ունի լավ մտածված ինտերֆեյս:

PBJ – The Musical (iPhone, iPad)

Երաժշտական պատմություն «Ռոմեո եւ Ջուլիետ»-ի ոգով, որի գլխավոր դերերում են սննդամթերքը: Թղթի անիմացիան, կարաոկեի ռեժիմը եւ զվարճալի բառախաղերը խաղը դարձնում են պայծառ եւ անսովոր երաժշտական արկած:

Փոխազդեցություն

Taobao (Apple Vision Pro)

Խանութ՝ Vision Pro-ի համար հարմարեցված ապրանքների 3D մոդելներով: Apple-ի խոսքով՝ իրատեսական վիզուալիզացիաները, հարթ անցումները եւ ինտուիտիվ կառավարումը Taobao-ն դարձնում են Vision Pro-ի ինտերֆեյսների չափանիշ:

DREDGE (iPhone, iPad, Mac)

Սարսափ արկած՝ Lovecraft-ից ոգեշնչված ձկնորսության մեխանիկայով։ Հարմար կառավարման հնարավորություններ կան թե՛ սենսորային սարքերի, թե՛ կառավարիչ սարքերի օգտագործման ժամանակ։

Սոցիալական ազդեցություն

Watch Duty: Wildfire Maps (iPhone, iPad)

Կամավորների կողմից հավելված, որը տրամադրում է թարմացված եւ կարեւոր տվյալներ անտառային հրդեհների վերաբերյալ։ Բնական աղետների դեպքում, ինչպիսին էր այս հունվարին Կալիֆոռնիայում տեղի ունեցածը։ Այն կարող է դառնալ տեղեկատվության հիմնական աղբյուր։

Neva (Mac)

Gris-ի ստեղծողների հուզական արկածը մի աղջկա եւ նրա գայլի մասին էկոլոգիական ճգնաժամ ապրող աշխարհում։ Խաղը պատկերում է բնության փոփոխությունները եւ կերպարների հարաբերությունները փոփոխվող եղանակների ընթացքում։

Գրաֆիկա եւ վիզուալիզացիա

Feather: Draw in 3D (iPad)

Հեշտ սովորելու 3D խմբագրիչ, որը թույլ է տալիս ստեղծել եռաչափ մոդելներ Apple Pencil-ի միջոցով։ Այն հարմար է թե՛ սկսնակների, թե՛ պրոֆեսիոնալ նկարիչների համար՝ շնորհիվ իր մինիմալիստական ինտերֆեյսի եւ հզոր գործառույթների։

Infinity Nikki (iPhone, iPad)

Բաց աշխարհի խաղ, որտեղ դուք հավաքում եք հագուստ՝ զենքերի փոխարեն։ Մանրամասն հյուսվածքները, իրատեսական լուսավորությունը եւ բարդ գրաֆիկական էֆեկտները խաղը դարձնում են ամենագեղեցիկներից մեկը։