OpenAI-ը ներկայացրել է Sora 2 տեսանյութերի ստեղծման մոդելը

OpenAI-ը ներկայացրել է Sora 2 տեսանյութերի գեներատորը եւ դրա TikTok ոճի iOS հավելվածը։

Ընկերությունը նշել է, որ Sora 2-ը կարող է ստեղծել բարդ տեսարաններ, ինչպիսիք են մարմնամարզության վարժությունները կամ հետադարձ շրջադարձերը՝ առանց իրականությունը խեղաթյուրելու։

OpenAI-ը նաեւ նշել է, որ Sora 2-ը ավելի լավ է հասկանում «բարդ» հրամանները, որոնք նկարագրում են բազմաթիվ կադրեր՝ պահպանելով ընդհանուր ոճը, օրինակ՝ անիմե կամ ֆիլմի տեսարաններ ստեղծելիս։

Մոդելը կարող է ստեղծել բազմաթիվ աուդիո գծեր. օրինակ՝ կերպարների խոսք, հետնապատկերի ձայներ եւ ձայնային էֆեկտներ։

Ընկերությունը ներկայացրել է նաեւ Sora-ի iOS հավելվածը, որը հիմնված է Sora 2-ի վրա։ Օգտատերերը կարող են ստեղծել տեսանյութեր եւ դիտել դրանք հարմարեցվող լրահոսում։ The Verge-ը նշում է, որ հավելվածը նման է TikTok-ին։



OpenAI-ի նպատակն է գրավել եւ պահպանել օգտատերերին այնպիսի գործառույթի միջոցով, որը թույլ է տալիս նրանց դառնալ ստեղծված տեսարանների կերպարը՝ պահպանելով տեսքն ու ձայնը։ Մինչ դա անելն օգտատերերը պետք է անցնեն ստուգում՝ տեսա եւ աուդիո ձայնագրություններով՝ իրենց ինքնությունը հաստատելու եւ պատկերը ֆիքսելու համար։

Հավելվածին մուտք գործելն այժմ միայն հրավերով է, սկզբում՝ ԱՄՆ-ում եւ Կանադայում։ Հրավեր ստանալուց հետո օգտատերերը կունենան նաեւ Sora 2-ի հասանելիություն կայքում։ Օգտատերերը կարող են նախագրանցվել ։ Sora 2-ը անվճար կլինի մեկնարկի պահին, OpenAI-ը որեւէ սահմանափակում չի նշել։

Android օգտատերերը կկարողանան փորձարկել Sora 2-ը կայքում, երբ ստանան հրավեր արդեն մուտք ունեցող անձից։

ChatGPT Pro բաժանորդները կկարողանան օգտագործել փորձարարական, «բարձր որակի» Sora 2 Pro մոդելը sora.com կայքում եւ շուտով՝ հավելվածում։ Ընկերությունը նաեւ նախատեսում է թողարկել API Sora 2-ի համար։