MrBeast-ը մտահոգված է GenAI-ի ազդեցությամբ YouTube-ի ապագայի վրա

Աշխարհի ամենամեծ YouTube ալիքի հեղինակ MrBeast-ը (Ջիմմի Դոնալդսոն), որն ունի ավելի քան 443 մլն բաժանորդ, կիսվել է իր կանխատեսումներով գեներատիվ արհեստական բանականության զարգացումների ֆոնին։ 

Նրա հրապարակումը հավաքել է ավելի քան 6 մլն դիտում։

«Հետաքրքիր է, երբ AI-ով ստեղծված տեսանյութերը լինեն նույնքան լավը, որքան սովորականները, ի՞նչ կլինի YouTube-ի եւ միլիոնավոր հեղինակների հետ։ Սարսափելի ժամանակներ են», – գրել է Դոնալդսոնը։

Այս հայտարարությունը հնչել է OpenAI-ի նոր Sora 2 տեսանյութերի գեներատորի թողարկման ֆոնին, ինչպես նաեւ դրա հիման վրա ստեղծված iOS հավելվածի, որը հիշեցնում է TikTok-ը։ Առաջին երկու օրում հավելվածը ներբեռնվել է ավելի քան 160 հազար անգամ, ինչը Sora 2-ին հնարավորություն է տվել հայտնվել ԱՄՆ-ի App Store-ի թոփերում։

2025-ի հունիսին MrBeast-ը գործարկել էր AI գործիք՝ տեքստային հարցումների միջոցով իր տեսանյութերին շապիկներ գեներացնելու համար։ Սակայն բլոգերը բախվել է նկարիչների եւ հետեւորդների քննադատությանը, ինչից հետո ջնջել անոնսը սոցիալական ցանցերից։