Meta-ի բաժնետոմսերը եռամսյակային հաշվետվությունից հետո 7%-ով ընկել են

Meta-ի բաժնետոմսերը 7%-ով անկում են ապրել 2025 թվականի երրորդ եռամսյակի եկամուտների հաշվետվության հրապարակումից հետո, որը հաղորդել էր գրեթե 16 միլիարդ դոլարի միանվագ հարկային դուրսգրման մասին։

2025 թվականի երրորդ եռամսյակի եկամուտների հաշվետվության մեջ ընկերությունը հայտնել է եկամտի 26% աճի մասին՝ տարեկան կտրվածքով մինչեւ 51.2 միլիարդ դոլար։ Սակայն նույն ժամանակահատվածի զուտ շահույթը նվազել է 15.7 միլիարդ դոլարից մինչեւ 2.7 միլիարդ դոլար։

Meta-ն դա բացատրում է ԱՄՆ նախագահ Դոնալդ Թրամփի բյուջետային նախաձեռնությունների հետ կապված 15.9 միլիարդ դոլարի միանվագ հարկային դուրսգրմամբ։ Հարկային դուրսգրումների բացակայության դեպքում ընկերության զուտ շահույթը 2025 թվականի երրորդ եռամսյակում կարող էր հասնել 18.6 միլիարդ դոլարի։ Meta-ն կանխատեսում է, որ 2025 թվականի չորրորդ եռամսյակում եկամուտը կկազմի 56-59 միլիարդ դոլար։

Ընկերությունը նաեւ հայտնել է, որ երրորդ եռամսյակում օրական ակտիվ օգտատերերի թիվը հասել է 3.54 միլիարդի, ինչը տարեկան 8%-ով ավելի է։ Meta-ի գովազդային եկամուտը աճել է 26%-ով՝ հասնելով 50 միլիարդ դոլարի։