Սեմ Ալթմանն անդրադարձել է ԱՄՆ կառավարության աջակցության խնդրանքին

OpenAI-ի գործադիր տնօրեն Սեմ Ալթմանը հայտարարել է, որ ընկերությունը կառավարության աջակցության կարիք չունի արհեստական բանականության զարգացման համար։

Մեկ օր առաջ OpenAI-ի ֆինանսական տնօրեն Սառա Ֆրայարը կոչ էր արել ԱՄՆ կառավարությանը վարկային երաշխիքներ տրամադրել OpenAI-ին՝ ապագա համակարգչային ծախսերը ֆինանսավորելու համար։

Ալթմանը X-ում գրել էր, որ OpenAI-ին «պետք չէ» կառավարության երաշխիքներ տրամադրել տվյալների կենտրոնները ֆինանսավորելու համար։ «Հարկ վճարողները չպետք է փրկեն այն ընկերություններին, որոնք վատ բիզնես որոշումներ են կայացնում», - գրել է նա։

Ըստ նրա՝ ընկերությունը քննարկում էր միայն ԱՄՆ-ում կիսահաղորդչային գործարանների կառուցման նախագծերի համար վարկային երաշխիքները, որոնց միացել է կառավարության խնդրանքով։

I would like to clarify a few things.

First, the obvious one: we do not have or want government guarantees for OpenAI datacenters. We believe that governments should not pick winners or losers, and that taxpayers should not bail out companies that make bad business decisions or…

— Sam Altman (@sama) November 6, 2025

Նախկինում OpenAI-ի ֆինանսական տնօրենը Wall Street Journal-ի բիզնես համաժողովում կոչ էր արել ԱՄՆ կառավարությանը վարկային երաշխիքներ տրամադրել արհեստական բանականության ենթակառուցվածքների զարգացման համար։ Նա բացատրել էր, որ կառավարության աջակցությունը կօգնի ներգրավել մեծածավալ ներդրումներ, որոնք անհրաժեշտ են համակարգչային ենթակառուցվածքների զարգացման եւ տվյալների կենտրոնների կառուցման համար։

Միայն 2025 թվականին ChatGPT-ի մշակողը ստորագրել է 1 տրիլիոն դոլարի ենթակառուցվածքային պայմանագրեր։ Այս ծավալը հարցեր է առաջացնում վերլուծաբանների եւ ներդրողների շրջանում այն մասին, թե ինչպես է ընկերությունը նախատեսում վերադարձնել իր ներդրումները։

Ըստ FT-ի աղբյուրների՝ դրա տարեկան կայուն եկամուտը (ARR) կազմում է մոտավորապես 13 միլիարդ դոլար (որից 70%-ը հիմնական օգտատերերի բաժանորդագրություններից է), իսկ 2025 թվականի առաջին կեսի գործառնական վնասը կազմել է 8 միլիարդ դոլար։
Այնուամենայնիվ, գործադիր տնօրեն Ալթմանը հարցազրույցում նշել է, որ եկամուտը շատ ավելի բարձր է։ Երբ նրան հարցրել են՝ ինչպես է ընկերությունը նախատեսում ծածկել իր ծախսերը, նա նշել է, որ «սկեպտիկները, ովքեր քննադատում են OpenAI-ի ռազմավարությունը, չէին հրաժարվի իր բաժնետոմսերից»։