Դավիթ Յանի Newo.ai ստարտափը հայտնել է 25 միլիոն դոլարի A սերիայի ներդրում ներգրավելու մասին` Veeam-ի հիմնադիր Ռատմիր Տիմաշեւի գլխավորությամբ:
Ընկերության ընդհանուր ֆինանսավորումն այժմ կազմում է 32 միլիոն դոլար։
Newo.ai-ն առաջարկում է հարթակ, որտեղ AI-ընդունարանի աշխատակիցները մշտապես հասանելի են զանգերի, SMS-ի եւ WhatsApp հաղորդագրությունների սպասարկման համար։ Համակարգը կարող է ամրագրել հանդիպումներ, որակավորել դրանք եւ անհրաժեշտության դեպքում փոխանցել զանգերը։ Այն աշխատում է Google Vertex AI-ի վրա եւ օգտագործում Gemini 2.5 Flash՝ արագ եւ բնական հնչող պատասխանների համար։
Նոր ներդրումը կօգնի Newo.ai-ին ընդլայնել պրոդուկտն ավելի շատ ոլորտներում, մեծացնել գործընկերների ցանցը՝ անցնելով 200-ը եւ սկսել նոր նախաձեռնություններ՝ ծառայություններ մատուցող ընկերություններին հասնելու համար։ Ընկերությունը նաեւ նախատեսում է խորացնել ինտեգրումը Gemini-ի հետ՝ ավելի բարդ աշխատանքային հոսքերի համար։
