Microsoft-ը եւ Nvidia-ն մինչեւ 15 միլիարդ դոլար կներդնեն Anthropic-ում

Nvidia-ն մինչեւ 10 միլիարդ դոլար կներդնի արհեստական բանականության մոդելների մշակող Claude-ում, իսկ Microsoft-ը՝ մինչեւ 5 միլիարդ դոլար։

Bloomberg-ի աղբյուրի համաձայն՝ ներդրումը կլինի ստարտափի հաջորդ ֆինանսավորման փուլի մի մասը։ FT-ի աղբյուրները հավելել են, որ ֆինանսավորման փուլը նախատեսվում է ավարտել 2025 թվականի վերջին կամ 2026 թվականի սկզբին։

Anthropic-ի գնահատումը կարող է գերազանցել 300 միլիարդ դոլարը։ CNBC-ի տվյալներով՝ այն կազմում է մինչեւ 350 միլիարդ դոլար։ Համեմատության համար՝ 2025 թվականի սեպտեմբերին Anthropic-ը ներգրավել է 13 միլիարդ դոլար՝ գնահատվելով 183 միլիարդ դոլար։

Գործընկերության շրջանակներում Anthropic-ը նաեւ պարտավորվել է գնել 30 միլիարդ դոլարի հաշվողական հզորություն Microsoft-ի Azure ամպային ծառայությունից եւ մինչեւ 1 ԳՎտ հզորություն Nvidia-ի Grace Blackwell եւ Vera Rubin համակարգերից։

Anthropic-ը հիմնադրվել է 2021 թվականին OpenAI-ի նախկին աշխատակիցների խմբի կողմից, որոնք ChatGPT չատբոտի ստեղծողներն են։ Դրա մշակումների թվում են Claude Sonnet 4.5 մոդելը, որը կարող է ինքնուրույն աշխատել 30 ժամ անընդմեջ, Claude Haiku 4.5 մոդելը եւ Claude Code մշակողի գործիքը։